EFEverde en Galego

A Xunta cede 62 traxes contra a avispa velutina a 31 municipios coruñeses

  • Durante 2015, a Consellería do Medio Rural retirou ou inactivó máis de 5.600 niños desta especie en 170 concellos de toda Galicia.

A Xunta cede 62 traxes contra a avispa velutina a 31 municipios coruñeses Fotografía de arquivo dun niño de avispa asiática. EFE/Juan Herrero

EFEverde.-  O delegado territorial da Xunta na Coruña, Diego Calvo, asistiu esta mañá á entrega de 62 traxes específicos para a loita contra a avispa velutina a representantes de 31 concellos da provincia co fin de que poidan traballar "con maior seguridade".

O acto celebrouse no marco da “Xornada formativa sobre o control da avispa velutina”, organizada pola Academia Galega de Seguridade Pública da Consellería de Presidencia e á que asistiron un centenar de efectivos de Protección Civil ou grupos de emerxencias, entre outros, informan fontes da Xunta.

Durante as súas intervencións, comentaron os aspectos biolóxicos e técnicos de interese desta avispa, do programa de vixilancia e control que se puxo en marcha, dos métodos de control aplicados no protocolo de actuación de Galicia e tamén das repercusións que pode ter este insecto na saúde.

Os concellos da provincia da Coruña que se beneficiarán desta achega son Abegondo, Ares, Arteixo, Betanzos, Boimorto, Boiro, Boqueixón, Cabanas, Cambre, Carballo, Carnota, Carral, Cedeira, Cee, Coristanco, Fisterra, A Laracha, Laxe, Lousame, Malpica de Bergantiños, Mañón, Mazaricos, Oleiros, Oroso, A Pobra, Pontedeume, As Pontes, Porto do Son, Ribeira, Santa Comba e Valdoviño.

Durante 2015, a Consellería do Medio Rural retirou ou inactivó máis de 5.600 niños desta especie en 170 concellos de toda Galicia.

Na provincia da Coruña retiráronse 1.979 niños e, en concreto, nos concellos que hoxe recibiron o equipamento, detectáronse un total de 684, cunha maior presenza nos municipios da zona norte, detallou o delegado territorial da Xunta. EFEverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies