EFEverde en Galego

Avisan sobre un posible verán con problemas de incendios en Galicia

Avisan sobre un posible verán con problemas de incendios en Galicia Vista dun incendio forestal no municipio pontevedrés de Moaña, o pasado 21 de marzo 2015. EFE

EFEverde.- O xefe da Policía Autonómica de Galicia, Silverio Blanco, alertou hoxe sobre a preocupación dos incendios forestais neste verán, que se prevé como "problemático".

“Temos todos que nos pór ao choio, espérase un verán moi caloroso”, advertiu Blanco nunha entrevista concedida hoxe á Radio Galega.

Nese sentido, o responsable da Policía Autonómica sinalou que en Galicia non existe constancia de “tramas organizadas” para a queima de montes, mais en todo caso insistiu en que a prevención “máis grande” é que chova, polo que un verán moi seco pode ser un grave problema.

A respecto diso, avanzou que se incrementará a presenza de “patrullas preventivas para previr os incendios”, aínda que resaltou que o seu obxectivo “non é facer máis detencións”, xa que o que desexarían en realidade, e con lóxica, é que non existisen máis incendios.

No referente ao terrorismo, Blanco remarcou que a Policía Autonómica non ten competencias máis alá da protección de “edificios públicos e as persoas que están dentro”.

“Desde ese punto de vista calquera noticia nos interesa, mais non temos unidades, polo que a miña opinión sobre terrorismo vale moi pouquiño”, subliñou. EFEverde




Secciones:        
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com