EFEverde en Galego

A Xunta prohibe queimar restos agrícolas a partir de mañá

A Xunta prohibe queimar restos agrícolas a partir de mañá A queima de restos agrícolas e forestais estará prohibida a partir de mañá

A queima de restos agrícolas e forestais estará prohibida a partir de mañá en Galicia para reducir o risco de incendios, anunciou hoxe a Xunta.

Con esta medida, que entrará en vigor a próxima medianoite, suspéndense tamén os permisos concedidos, xa que as comunicacións e autorizacións de queima carecen de validez ante a prohibición.

Esta decisión foi adoptada despois avaliar as actuais condicións meteorolóxicas e as previsións, así como o índice de risco diario de incendio forestal, indica o Goberno galego nunha nota informativa.

No mesmo texto sinala que a Administración tivo tamén en conta a normativa pola que se regulan as medidas relativas á prevención de incendios, así como a protección dos asentamentos no medio rural e a regulación de aproveitamentos e repoboacións forestais.

Así mesmo, a Consellería do Medio Rural pide a colaboración da cidadanía para que extreme as precaucións e denuncie calquera actividade delituosa incendiaria da que se teña coñecemento e indica que habilitou o número de teléfono 085 para formular denuncias sobre detección de lumes. Efeverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies