EFEverde en Galego

Pescadores do cerco logran acordo coa Xunta fixando un tope de capturas

  • O acordo establece un tope de captura de 2.000 quilogramos de pesca por barco.

Pescadores do cerco logran acordo coa Xunta fixando un tope de capturas Fotografía de arquivo. EFE

EFEverde.- A conselleira de Medio Rural e do Mar, Rosa Quintana, e os pescadores de cerco alcanzaron hoxe un acordo que establece un tope de captura de 2.000 quilogramos de pesca por barco, ademáis de 600 quilogramos por tripulante, computado semanalmente.

reunion comision sectorial cerco-efe verde

Reunión da comisión sectorial do cerco na conselleria do Mar en San Caetano. EFE/Xoán Rey

Quintana e o voceiro da asociación de pescadores de cerco Acerga, Andrés García, anunciaron o compromiso ao termo dunha reunión de dúas horas e media na sede da Xunta en Santiago de Compostela.

O tope de capturas comezará a aplicarse a partir do vindeiro luns e o representante de Acerga expresou a súa esperanza de que iso permita ao sector do cerco en Galicia prolongar a súa actividade ata outubro próximo.

A conselleira agradeceu a “boa vontade de todos os representantes do sector” para acadar un compromiso que permita aos pescadores continuar a actividade canto antes.

Indicou, non obstante, que non hai aínda acordo cos pescadores de arrastre que están pendentes de conseguir un acordo cos representantes de Portugal.

Quintana xustificou a decisión alegando que, por unha parte, a posibilidade de que cada barco administre semanalmente a cota obedece a que “en inverno, se algúns días os barcos non poden saír” a faenar, “poidan facer a cota” durante os catro días semanais autorizados. EFEverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com