Efeverde en Galego

No que vai de ano son 66 as persoas investigadas por incendios forestais

No que vai de ano son 66 as persoas investigadas por incendios forestais Fotografía dun incendio forestal rexistrado en xuño no municipio ourensán de Melón.EFE/Brais Lorenzo

No que vai de ano un total de 66 persoas son investigadas pola Policía Autonómica por delitos relacionados con incendios nos montes galegos, informou hoxe a Xunta.

Axentes da Policía Autonómica de Santiago en colaboración con axentes forestais informaron hoxe o esclarecemento dun incendio forestal no concello coruñés de Ames.

En colaboración con axentes do Distrito Forestal número III-Santiago Meseta Interior, a Policía Autonómica procedeu á investigación dun home como presunto autor dun incendio ocorrido o pasado 17 de xullo na parroquia de Agrón, en Ames (A Coruña).

Unha vez realizadas as investigacións necesarias, comprobouse que o incendio foi provocado accidentalmente por unha faísca do tubo de escape dun tractor cheo de pacas. O lume afectou a 1,52 hectáreas de superficie arborizada.

Polos feitos instruíronse dilixencias remitidas ao Xulgado de Santiago de Compostela.

Na actual campaña antiincendios forestais de 2017, un total de 66 persoas foron detidas e/ou investigadas pola Policía Autonómica como presuntas autoras de incendios forestais. Efeverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies