Galicia rexistra 158 incidencias polas intensas choivas matinais

EFEverde en Galego

Galicia rexistra 158 incidencias polas intensas choivas matinais

Galicia rexistra 158 incidencias polas intensas choivas matinais Galicia rexistra 158 incidencias polas intensas choivas matinais. EFE

EFEverde.- A Axencia Galega de Emerxencias informou hoxe de que se rexistraron 158 incidencias polas intensas choivas ata o mediodía.

Entre as 8 e as 12 horas, o Centro de Atención de Emerxencias 112 atendeu 62 incidencias motivadas por inundacións e importantes balsas de auga nas estradas, informa a través dun comunicado.

A provincia máis afectada foi a de Pontevedra, con 68 incidencias; seguida pola Coruña, con 53; Lugo, con vinte e cinco; e Ourense, con doce.

En Vigo houbo complicacións no tráfico rodado e un autobús escolar non puido continuar o seu traxecto debido a que a estrada estaba alagada en Samil.

En Neda, na Coruña, houbo retencións quilométricas polo corte doutra estrada mentres que en Ponteceso foi necesario o traballo en garaxes e baixos comerciais alagados.

Así mesmo, houbo dezaoito incidencias por desprendementos de terra, con especial incidencia en Ponteareas, entre Guláns e Couso, coa estrada cortada. EFEverde




Secciones:        
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com