EFEverde en Galego

Galicia aumenta a selección de envases para reciclado pero non cartón e papel

Galicia aumenta a selección de envases para reciclado pero non cartón e papel Galicia aumenta a selección de envases para reciclado pero non cartón e papel. EFE

Galicia aumentou a selección de envases de plástico, metal e tetrabrick, pero non a de cartón e papel, proporcionalmente á súa poboación, segundo datos achegados hoxe por representantes da Xunta e da firma Ecoembes, participada por empresas do sector de envases.

Galicia aumentou a selección de envases de plástico, metal e tetrabrick, pero non a de cartón e papel, proporcionalmente á súa poboación, segundo datos achegados hoxe por representantes da Xunta e da firma Ecombes, participada por empresas do sector de envases.

Nunha conferencia de prensa, a directora xeral de Calidade Ambiental e Cambio Climático da Xunta, Cruz Ferreira, acompañada dun xerente de Ecoembes, Fernando Blázquez, indicou que en 2017 os galegos depositaron unha media de 10,5 quilogramos de envases de plástico, metálicos e de tetrabrick en contedores amarelos, ademais de 11,7 quilogramos de papel e cartón no azul.

Reciclaxe en Galicia

Ecoembes calculou noutro informe divulgado fai cinco anos que en 2012 cada galego achegou unha media de 9,4 quilogramos de envases lixeiros no contedor amarelo e 11,6 quilogramos de envases de papel e cartón no de cor azul.

Iso supón un aumento de algo máis dun quilogramo de envases lixeiros en cinco anos e apenas cen gramos de papel e cartón nese mesmo período.

O representante de Ecoembes sinalou que Galicia achegou en ano pasado 58.000 toneladas de materiais de reciclaxe procedentes deses contedores e da selección posterior na planta de tratamento de residuos urbanos da empresa mixta Sogama, ao que están adheridos unha maioría de municipios galegos.

Blázquez sinalou que en España aínda existe un vinte e nove por cento de desfeitos considerados “impropios”, é dicir que os cidadáns os poñen equivocadamente nalgún dos contedores non correspondentes, mentres que en Galicia é un punto superior, un trinta por cento, pero apuntou que na separación final “Sogama faio moi ben”.

Nese sentido, afirmou que as 58.000 toneladas que achega Galicia en envases lixeiros e papel son “limpas de po e palla que se envían á reciclaxe para darlles unha segunda vida”.

Segundo os seus cálculos, esa cantidade representa “reciclar un 77,1 % de todos os envases que se poñen no mercado” en Galicia.

Recollida selectiva

Blázquez considerou que os retos de Galicia son “ampliar a recollida selectiva” a novos restaurante e bares, instalacións deportivas e feiras, ademais de fomentar “accións de concienciación” da poboación.

“Creo que estamos a facer as cousas ben”, comentou o dirixente de Ecoembes, quen asegurou que España “pasou de estar na cola” da Unión Europea a estar “entre os dez países que máis reciclan plásticos, metálicos ou tetrabrick, así como papel e cartón”.

Segundo Eurostat, o groso dos refugallos (56,7 %) acaba en vertedoiros, mentres que o 13,6 % incinérase, segundo datos correspondentes a 2016.

Blázquez recoñeceu que os datos de Ecoembes difiren e sinalou que “segundo Eurostat estamos na contorna do trinta por cento” e “os envases adheridos a Ecoembes supoñen só o oito por cento do que se poñen no mercado”, aínda que “achegan o vinte e cinco por cento da taxa de reciclaxe de España”.

Pola súa banda, Ferreira xustificou o atraso en Galicia alegando que “as medidas correctoras empezaron a implementarse en 2017” e afirmou que desde principios de ano hai un aumento da selección de envases lixeiros e papel debido a unha maior cobertura dos contedores específicos por parte de Ecoembes.

O Parlamento Europeo aprobou o pasado 18 de abril a decisión de elevar do 44 % ao 55 % a porcentaxe de residuos municipais que deben reciclarse a partir de 2025. EFEverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies