EFEverde en Galego

A Xunta anima a alcanzar o liderado europeo en biomasa forestal

  • a Xunta está impulsando a demanda de equipos de biomasa cunha liña de apoios que permitiu en 2014 a implantación de máis de 600 novas caldeiras.

A Xunta anima a alcanzar o liderado europeo en biomasa forestal Biomasa forestal. EFE/Alfonso Castillo

EFEverde.-  O conselleiro de Economía e Industria, Francisco Conde, animou hoxe a aproveitar a capacidade de Galicia para producir biomasa forestal e "a calidade" dos seus produtos para alcanzar o liderado europeo neste sector, informou a Xunta nun comunicado.

Durante unha visita ás instalacións da empresa fabricante de caldeiras Ecoforest, en Gondomar, Conde recalcou que a Xunta está impulsando a demanda de equipos de biomasa cunha liña de apoios que permitiu en 2014 a implantación de máis de 600 novas caldeiras, 161 na provincia de Pontevedra.

Unha iniciativa que procura facilitar o desenvolvemento da Estratexia de Impulso da Biomasa Forestal, que atende a toda a cadea de valor: desde a transformación, produción e distribución do biocombustible até a construción, montaxe e instalación de caldeiras.

Outra parte do éxito do plan residirá na “capacidade” do tecido empresarial galego, con empresas como Ecoforest que, recalcou Conde, “reflicten o potencial” da Comunidade para desenvolver unha industria que conta cun amplo mercado internacional.

Ecoforest, con presenza en 35 países e con 25 anos de experiencia, dispón de varias patentes e conta cun centro de investigación que lle permite desenvolver a súa propia tecnoloxía e validar os produtos en condicións reais.

Dispón ademais do seu propio control electrónico de combustión co que fabrica equipos máis eficientes. EFEverde




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies