Inauguran un observatorio de aves cera do miradoiro do río Sil, en Sober

Un observatorio ornitolóxico foi inaugurado preto do miradoiro Boqueiriño, no Canón de río Sil, no municipio lucense de Sober, informou hoxe o Goberno local.

O privilexiado lugar para observar as aves está situado a 700 metros de altitude e a uns douscentos metros en liña recta do coñecido miradoiro de Boqueiriño, na parroquia de Bolmente.

Trátase dunha zona de gran riqueza natural e de “especial interese para os amantes das aves e tamén da fotografía, porque as vistas que ofrece son espectaculares”, subliña o Concello nun comunicado.

Engade que a Axencia de Turismo da Xunta considera que é un dos “máis importantes” de Galicia para a “observación de aves”.

O alcalde de Sober, Luis Fernández Guitián, destaca a importancia do “turismo de observación da natureza” para ese municipio e expresou a súa esperanza de que as novas instalacións atraian a novos visitantes.

O observatorio é unha iniciativa do Concello de Sober, que contou coa colaboración da Xunta para o proxecto, que permite así mellorar as condicións para observar as diferentes especies de aves que habitan ou frecuentan a zona, entre elas algúns exemplares de aguia real. Efeverde