EFEverde en Galego

Acampa centrarase na súa nova cita anual na problemática das mulleres refuxiadas

Acampa centrarase na súa nova cita anual na problemática das mulleres refuxiadas Captura web da asociación Acampa. © Xosé Abad

A nova cita de Acampa en 2019 abordará a problemática das mulleres refuxiadas e podería celebrarse simultaneamente en Brasil, segundo informaron os promotores.

“Despois destes tres días de actividades, encontros, debates, e imaxes da dura realidade que atravesan as persoas en busca de refuxio, podemos asegurar que a cidadanía quere dar resposta a ese reto dunha maneira humana, absolutamente afastada da liña que están a aplicar moitos países europeos”,  asegura Xosé Abad, coordinador de Acampa.

Esa é a conclusión dos organizadores de Acampa 2018, que durante tres días transformaron os xardíns de Méndez Núñez nun campo de refuxiados e nun espazo para a reflexión.

Nos próximos meses, membros do Acampa reuniranse con representantes de todas as forzas políticas no Parlamento Galego, Español e Europeo, para conseguir que se recoñeza e dote de amparo normativo a figura de Refuxiado por Cambio Climático.

Acampa 2019

O movemento pon agora o foco no que será Acampa 2019. Se este Acampa centrouse nos refuxiados por cambio climático, a próxima edición programarase sobre “as mulleres refuxiadas”.

Ademais, é moi probable que a iniciativa cruce o charco e se replique, simultaneamente en Brasil, coa implicación dos países de fala portuguesa.

Ese é o compromiso adquirido polo profesor Marcos Sorrentino da Universidade de Sao Paulo (biólogo e pedagogo, experto en educación ambiental e coordinador do laboratorio de Educación e Política Ambiental da Escola Superior de Agricultura Luiz de Queiroz) convidado a Acampa 2018.

“Estando aquí estes días, comprobamos a converxencia da filosofía de Acampa coas nosas áreas de actuación, centradas na loita pola terra e a xustiza social”, explica Sorrentino.

“Sabemos, como se falou aquí estes días, sobre a necesidade da educación ambiental, da conservación do medio ambiente como única fórmula para protexer o futuro de millóns de persoas ás que, se non, abocamos a migrar”.

O experto asegurou que é necesario ” internacionalizar a resistencia fronte aos mecanismos de mercantilización da vida”. Por iso, concluíu, “buscaremos a maneira de articular un Acampa no noso país e implicar aos oito países de lingua portuguesa, cinco deles, ademais, no continente africano”. EFEverde

 

 




Secciones:        
Redacción EFEverde
Un equipo de periodistas especializados en periodismo e información ambiental de la Agencia EFE www.efeverde.com y www.efefuturo.com

Uso de cookies

Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra política de cookies, pinche el enlace para mayor información.

ACEPTAR
Aviso de cookies