O secretario do comité de empresa de Urbaser en Lugo, Julio Pacio, desvinculou hoxe por completo os traballadores dos actos vandálicos que aconteceron na pasada noite, cando foi incendiado un camión da compañía, estacionado en Vilalba, e varios colectores na cidade.
Nunhas declaracións á EFE, Julio Pacio afirmou que "sempre hai quen se aproveita das folgas" para cometer ese tipo de actos vandálicos, e mesmo lembrou que a propia "policía xa andaba detrás" dun "pirómano" que supostamente incendiou varios colectores na cidade, antes do conflito laboral.
"Haberá que pensar, inclusive, que pode ser a propia empresa", dixo Julio Pacio, para tensar aínda máis a corda nun conflito que dura xa 44 días.
"Desvinculámonos totalmente deste asunto", concluíu. EFEverde
